Prestamos servizos técnicos especializados para a regularización, mellora e xestión de sistemas de abastecemento de auga en comunidades de usuarios de augas e pequenos municipios, garantindo o cumprimento normativo e a seguridade sanitaria.
Legalización e novación de Comunidades de Usuarios de Augas (traídas veciñais)
Asistencia integral en procesos de legalización ou modificación administrativa de comunidades de usuarios, incluíndo a preparación de documentación e tramitación ante os organismos públicos.
Memoria para informe sanitario
Redacción de memorias técnicas requiridas para a avaliación sanitaria de sistemas de abastecemento, conforme a normativa vixente.
Memoria xustificativa da necesidade de abastecemento
Elaboración de estudos técnicos que acreditan a demanda hídrica e xustifican o volume de auga solicitada.
Asesoramento e seguimento de expedientes
Acompañamento técnico durante todo o proceso administrativo de legalización ou novación, desde a fase inicial ata a súa resolución.
Proxectos de mellora de infraestruturas de abastecemento
Deseño e redacción de proxectos para a optimización de captación, almacenamento, tratamento e distribución de auga para consumo en comunidades de usuarios.
Protocolos Sanitarios e Plans Sanitarios do Abastecemento
Elaboración de documentos de control sanitario, incluíndo protocolos de autocontrol e plans de xestión do risco en sistemas de abastecemento.
Legalización de pozos e captacións de auga
Tramitación administrativa e redacción de documentación técnica para a regularización de captacións subterráneas con dereito de uso privativo.
Auditorías de redes de abastecemento municipais
Avaliación técnica do estado, funcionamento e eficiencia de redes de distribución, con identificación de deficiencias e propostas de mellora e sectorización.
Dixitalización da rede
Traballos de levantamento e inventariado das redes de distribución en alta e baixa en sistemas de abastecemento publico ou privado (cc.uu. de augas). Elaboración de bases de datos e planos de distribución de auga.
